ნოდარ დუმბაძე, ედუარდ შევარდნაძე,გურამ ენუქიძე და თენგიზ მენთეშაშვილი

Abstract

ნოდარ დუმბაძე - მწერალი. 1950 წლიდან მისი ლექსები და იუმორისტული მოთხრობები სისტემატურად იბეჭდებოდა ქართულ პრესაში. მწერალს აღიარება პირველივე რომანებმა მოუტანა. რომანებისა და მოთხრობებისათვის 1975 წელს მიენიჭა რუსთაველის პრემია, ხოლო 1980 წელს ლენინური პრემია1967-1972 წლებში იყო ჟურნალ „ნიანგის“ რედაქტორი. 1972 წლიდან საქართველოს მწერალთა კავშირის გამგეობის მდივანი და სსრკ-ის მწერალთა კავშირის გამგეობის წევრი. ჟურნალის „მოლოდაია გვარდია“ სარედაქციო კოლეგიის წევრი. დაკრძალული იყო ქალაქ თბილისში, საბავშვო ქალაქ „მზიურში“, რომლის აშენების იდეა თავად ეკუთვნოდა, ხოლო 2009 წლის 14 სექტემბერს მისი ნეშტი მთაწმინდის მწერალთა და საზოგადო მოღვაწეთა პანთეონში გადაასვენეს. ედუარდ შევარდნაძე - პოლიტიკოსი, საქართველოს სსრ-ის ცკ კომპარტიის პირველი მდივანი (1972-1985), საბჭოთა კავშირის საგარეო საქმეთა მინისტრი (1985-1990), საქართველოს პრეზიდენტი (1995-2003). თენგიზ მენთეშაშვილი - კომპარტიის თბილისის საქალაქო კომიტეტის პირველი მდივანი. შემდეგ საბჭოთა კავშირის უმაღლესი საბჭოს პრეზიდიუმის მდივნი. თენგიზ მენთეშაშვილის იდეაა „თბილისობის“ დღესასწაულის დაარსება. 1982 წელს მიენიჭა საპატიო თბილისელის წოდება. გურამ ენუქიძე - საქართველოს ტელევიზიის ყოფილი ხელმძღვანელი.