ბორის პაიჭაძე, ავთანდილ ღოღობერიძე და ვლადიმერ მარღანია

Abstract

ბორის პაიჭაძე - ქართველი ფეხბურთელი, თამაშობდა თბილისის დინამოს შემადგენლობაში. ფეხბურთელის კარიერის დასრულების შემდეგ ორი წლის განმავლობაში წვრთნიდა თბილისის დინამოს. მის სახელს ატარებს საქართველოს უდიდესი ეროვნული საფეხბურთო სტადიონი, რომელიც თბილისის დინამოს საშინაო მოედანია. ავთანდილ ღოღობერიძე- ქართველი ფეხბურთელი, თამაშობდა თავდამსხმელის პოზიციაზე. იყო თბილისის „დინამოსა“ და საბჭოთა კავშირის ნაკრების წევრი. მოგვიანებით თბილისის „დინამოს“ მწვრთნელი. ასევე საბჭოთა კავშირის სპორტის დამსახურებული ოსტატი (1951). გამოდიოდა სოხუმის პიშევიკსა და „დინამოში“, 1945 წელს გადავიდა თბილისის „დინამოში“, სადაც გაატარა 17 სეზონი. ვლადიმერ მარღანია იყო თბილისის „დინამოს“ ერთ–ერთი პირველი თაობის მეკარე, სპორტის დამსახურებული ოსტატი. ის 30 წლის ასაკში ავტოკატასტროფაში დაიღუპა.