ქართველი მწერლები სტუმრად სოსო მხეიძესთან თერჯოლაში

Abstract

როინ მეტრეველი (07.12.1939) – ისტორიკოსი, მეცნიერი, პედაგოგი, საზოგადო მოღვაწე. საქართველოს მეცნიერებათა აკადემიის აკადემიკოსი (1993). ისტორიის მეცნიერებათა დოქტორი (1974), პროფესორი (1976). თბილისის სულხან-საბა ორბელიანის სახელობის სახელმწიფო პედაგოგიური ინსტიტუტის რექტორი (1985-1988); გელათის სახალხო აკადემიის რექტორი 1990 წლიდან. დამოუკიდებელი საქართველოს პირველი უზენაესი საბჭოს დეპუტატი (1990); ქუთაისის აკაკი წერეთლის სახელმწიფო უნივერსიტეტის საპატიო პროფესორი. დაჯილდოებულია ნობელის პრემიის ლაურეატის კრიტკოს ნანსენის მედლით (2000); მინიჭებული აქვს: აკაკი წერეთლის (1999), ექვთიმე თაყაიშვილის (2003) და ივ.ჯავახიშვილის სახელობის სამეცნიერო პრემია, ქართული მართლმადიდებელი სამოციქულო ეკლესიის უმაღლესი ჯილდო – ოქროს ჯვარი (1999). არის ქუთაისის საპატიო მოქალაქე (1996). მის სახელთან არის დაკავშირებული ქართული საბჭოთა ენციკლოპედიის გამოსვლა და დიდი წარმატება. ავტორია 300-ზე მეტი წიგნისა და ნაშრომისა. მისი რედაქტორობით გამოიცა 100-მდე წიგნი და ნაშრომი. მისი ძალისხმევით უნივერსიტეტმა ავტონომიური უმაღლესი სასწავლებლის სტატუსი აღიდგინა, რაც 1926 წლის შემდეგ დაკარგული ჰქონდა. აღდგა უნივერსიტეტის დიდი სამეცნიერო საბჭოც. ირაკლი აბაშიძე – (10.09.1910, ხონი–14.01.1992) – პოეტი. ქუთაისის საპატიო მოქალაქე. მიღებული აქვს ჯილდოები: ლენინის ორდენი, სოციალისტური შრომის გმირი, საპატიო ნიშნის ორდენი, სამამულო ომის მე-2 ხარისხის ორდენი, შრომის წითელი დროშის ორდენი, ხალხთა მეგობრობის ორდენი, შრომითი მამაცობის მედალი და რუსთაველის პრემია. დაით კვიცარიძე (02.05.1920, ქუთაისი-2000) – მწერალი. ქუთაისის საპატიო მოქალაქე. იყო: საქართველოს მწერალთა კავშირის ქუთაისის განყოფილების პასუხისმგებელი მდივანი (1957-), სკპპ, წევრი (1953-). დაჯილდოებულია: საპატიო ნიშნის ორდენითა და წითელი ვარსკვლავის ორდენით.