Please use this identifier to cite or link to this item:
https://dspace.nplg.gov.ge/handle/1234/2210| Title: | შიო მღვიმელი |
| Keywords: | პორტრეტი მღვიმელი (ქუჩუკაშვილი), შიო ილარიონის ძე (1866-1933) |
| Abstract: | შიო მღვიმელი - ქართველი საბავშვო მწერლის, შიო ილარიონის ძე ქუჩუკაშვილის ფსევდონიმია. დაიბადა იგი 1866 წელს ქარელის რაიონის სოფელ ბრეთაში. იყო ქართული საბავშვო მწერლობის ერთ-ერთი ფუძემდებელი. 1923 წელს მიენიჭა დამსახურებული მწერლის წოდება. გორის სამოქალაქო სასწავლებლის დამთავრების შემდეგ თბილისში მუშაობდა ჯერ "ქართველთა შორის წერა-კითხვის გამავრცელებელი საზოგადოების" წიგნის მაღაზიის გამგედ, ხოლო 1909 წლიდან - ქართული ჟურნალ-გაზეთების რედაქციაში კორექტორად. 1885 წელს გაზეთ "დროებაში" გამოქვეყნდა მისი პირველი ლექსი "დილა". მალე დაიწყო მისი ლექსების პატარ-პატარა წიგნებად გამოცემა. აქტიურად თანამშრომლობდა საბავშვო ჟურნალებში "ჯეჯილსა" და "ნაკადულში", შემდეგ "პიონერსა" და "ოქტომბრელში". სიკეთე, სამშობლოს სიყვარული, პატიოსნება, ჰუმანიზმი იყო ის ძირითადი თემები, რომლებსაც ავითარებდა თავის პოეზიაში. პედაგოგიურ შეხედულებათა ზედმიწევნით მცოდნე შიომღვიმელი მომავალ თაობას კაცთმოყვარეობასა და მომავლის რწმენას უღვივებდა. გარდა ლექსებისა, მას ეკუთვნის აგრეთვე გადმოკეთებული და ორიგინალური ზღაპრები: "რწყილი და ჭიანჭველა", "ყვინჩილა და ფისო", "ოქროს თავთავი", "ძუნწი" და სხვა. |
| Description: | ფოტოს გადაღების თარიღი უცნობია |
| Appears in Collections: | ლუარსაბ ტოგონიძის ფოტოკოლექცია |
Files in This Item:
| File | Description | Size | Format | |
|---|---|---|---|---|
| Mgvimeli_Shio_recto.jpg | 133.64 kB | JPEG |  View/Open |
Items in DSpace are protected by copyright, with all rights reserved, unless otherwise indicated.