არნოლდ ჩიქობავა და მიხეილ ჭაბაშვილი ენათმეცნიერების ინსტიტუტის თანამშრომლებთან ერთად

Abstract

არნოლდ სტეფანეს ძე ჩიქობავა - ენათმეცნიერი, ფილოლოგი. საქართველოს მეცნიერებათა აკადემიის დამფუძნებელი, აკადემიკოსი, იბერიულ-კავკასიური ენათმეცნიერების სამეცნიერო სკოლის დამფუძნებელი, საქართველოს მეცნიერების დამსახურებული მოღვაწე, ფილოლოგიის მეცნიერებათა დოქტორი, პროფესორი; მიხეილ ნიკოლოზის ძე ჭაბაშვილი - ქართველი ენათმეცნიერი, ლექსიკოლოგი; ფილოლოგიის მეცნიერებათა კანდიდატი (1950); უფროსი მეცნიერ თანამშრომელი (1960); საქართველოს მეცნიერებათა აკადემიის პრეზიდიუმთან არსებული ქართული ენის განმარტებითი ლექსიკონის კომისიის სწავლული მდივანი (1958-1965); საქართველოს მეცნიერებათა აკადემიის ენათმეცნიერების ინსტიტუტის ლექსიკოლოგიის განყოფილების გამგე (1965-1985), საქართველოს მინისტრთა საბჭოსთან არსებული თანამედროვე ქართული სალიტერატურო ენის ნორმათა დამდგენი მუდმივი სახელმწიფო კომისიის წევრი (1982-1996); ქართული საბჭოთა ენციკლოპედიის უფროსი სამეცნიერო რედაქტორი (1971-1987), სატრანსკრიფციო ჯგუფის ხელმძღვანელი (1982-იდან); ქართული ენის განმარტებითი ლექსიკონის (ერთტომეულის, 1986) რედაქტორი (მთავარი რედაქტორი არნოლდ ჩიქობავა). მეორე მსოფლიო ომის (1941-1945) მონაწილე. ბეატრისა საბაშვილი - ენათმეცნიერების ინსტიტუტის თანამშრომელი; ანა კალანდაძე - პოეტი.