ალექსანდრე ჯავახიშვილი, გიორგი ჩუბინაშვილი, აკაკი შანიძე, ნიკოლოზ მუსხელიშვილი და კორნელი კეკელიძე

Abstract

აკაკი შანიძე - ენათმეცნიერი, საქართველოს მეცნიერებათა აკადემიის თანადამფუძნებელი და აკადემიკოსი; გიორგი ჩუბინაშვილი - ხელოვნების ისტორიკოსი, საქართველოს მეცნიერებათა აკადემიის აკადემიკოსი. მეცნიერების დამსახურებული მოღვაწე, ქართული ხელოვნებათმცოდნეობის ფუძემდებელი; ალექსანდრე ჯავახიშვილი - გეოგრაფი და ანთროპოლოგი, საქართველოს მეცნიერებათა აკადემიის აკადემიკოსი, საქართველოს გეოგრაფიული საზოგადოების პრეზიდენტი; ნიკოლოზ (ნიკო) მუსხელიშვილი - მათემატიკოსი და მექანიკოსი, საქართველოს მეცნიერებათა აკადემიის აკადემიკოსი (1941). საქართველოს მეცნიერებათა აკადემიის ერთ-ერთი დამფუძნებელი და პირველი პრეზიდენტი (1941–1972). სოციალისტური შრომის გმირი (1945). 1933–1935 და 1941 წლიდან გარდაცვალებამდე საქართველოს მეცნიერებათა აკადემიის ანდრია რაზმაძის სახელობის მათემატიკის ინსტიტუტის დირექტორი. 1956 წლიდან გამოყენებითი მექანიკის კონგრესთა საერთაშორისო კომიტეტის წევრი იყო, ხოლო 1960 წლიდან თეორიული და გამოყენებითი მექანიკის საერთაშორისო კავშირის ბიუროს წევრი; კორნელი კეკელიძე - ფილოლოგი, ლიტერატურათმცოდნე, თეოლოგი. საქართველოს მეცნიერებათა აკადემიის თანადამფუძნებელი და აკადემიკოსი (1941 წლიდან), საქართველოს მეცნიერების დამსახურებული მოღვაწე (1943 წლიდან)