თებრო ნონიაშვილი, სოფო დათუაშვილი, ალექსი დათუაშვილი, ეთერ დათუაშვილი, ნატო დათუაშვილი და გიორგი დათუაშვილი

Abstract

თებრო დათუაშვილი - სახალხო მკურნალი, ცნობილი არა მარტო სოფელ ჩუმლაყში, სადაც ის ცხოვრობდა ოჯახთან ერთად, არამედ მთელი კახეთის რეგიონში. ალექსი დათუაშვილი - გურჯაანის რაიონის სოფელ ჩუმლაყის მამასახლისი ხანგრძლივი პერიოდის განმავლობაში. აღსანიშნავია, რომ მამასახლისი არ ინიშნებოდა, მას ირჩევდნენ სოფლის მაცხოვრებლები. მონაწილეობას იღებდა სახელმწიფოებრივ ღონისძიებებში. გიორგი დათუაშვილი - აგრონომი, სოფლის მეურნეობის მეცნიერებათა კანდიდატი. ჯერ კიდევ ტექნიკუმში სწავლის პერიოდში გამოიყვანა ვაზის ახალი ჯიში, რაც სპეციალისტების მიერ აღიარებული იყო როგორც საკანდიდატო სადისერტაციო შედეგი. ამის შემდეგ გ. დათუაშვილმა დაამთავრა სასოფლო სამეურნეო ინსტიტუტი, შემდეგ ასპირანტურა და მიიღო მეცნიერებათა კანდიდატის ხარისხი. იგი იყო საქართველოს მევენახეობის უფროსი, შესაბამისი განყოფილების გამგე სამტრესტში. 30-იან წლებში მან პირველმა შემოიტანა საქართველოში ვაზის შამპანური ჯიშები. გ. დათუაშვილი ავტორია რიგი სამეცნიერო შრომებისა და ორი საბავშვო მოთხრობების კრებულის, რომელიც მსოფლიო ბუნების საინტერესო მოვლენების ლიტერატურული გადმოცემის შესანიშნავ ნიმუშს წარმოადგენს. "მიღებული აქვს მთავრობის ჯილოდოები.”