მარსიანი, ცირა ყურაშვილი, გივი ტყეშელაშვილი, გიზო თავაძე, თამაზ გუგეშაშვილი და დათო ბუაძე

Abstract

გია ბენიძე (22.12.1953 წ. სოფელი ხომული, წყალტუბოს რაიონი) - მწერალი, მხატვარი, პუბლიცისტი, ფილოლოგი. დაამთავრა ქ. ქუთაისის ალ. წულუკიძის სახელობის პედაგოგიური ინსტიტუტი 1980 წელს. მულტიმედია-არტისტი, პროფესიონალი მწერალი, პუბლიცისტი, ესეისტი, პოეტი-პროზაიკოსი, მხატვარი-გრაფიკოსი, მუშაობს სიურეალიზმში. ლიტერატურული კრიტიკოსი, თვითნასწავლი მუსიკოსი, 30 წლის ასაკიდან ზეპირად თხზავს მუსიკალურ კომპოზიციებს ნაირგვარ სტილში: ლირიკული მელოდიები, როკ-მუსიკა, საგალობლები. ამჟამად მუშაობს კულტურულ ურთიერთობათა ცენტრ "კავკასიურ სახლ"-ში ჟურნალ "ალტერნატივა"-ს რედაქტორის მოადგილედ. ცირა ყურაშვილი – ქართველი მწერალი და პოეტი. დაიბადა 1962 წლის 1 მაისს ბაღდათში. არის ავტორი შემდეგი წიგნების: რომანის " უკან არ მიიხედო", ნოველების კრებულის "ჟამსა თამაშობისას" წერილების და ესეების კრებული ვინ გაიტანს თეფშებს" და ლექსების კრებული "სამოთხის სარკმელი". გივი ტყეშელაშვილი – (1959 – 2011), ფსევდონიმი – ადრეული. პოეტი, მწერალი, ისტორიკოსი. დაიბადა სოფელ ბზვანში (ვანი). დაასრულა ქუთაისის პედაგოგიური ინსტიტუტის ისტორია-ფილოლოგიის ფაკულტეტი. მუშაობდა ნ. ბერძენიშვილის სახელობის ქუთაისის ეთნოგრაფიული მუზეუმის ფონდების მცველად. ლექსების პირველი წიგნი – „ციცინათელების კარავი“ – გამოაქვეყნა 1985 წელს. ავტორია ლექსთა კრებულისა „მეტალირიკა“ (2009), ასევე ნაშრომების: „სხვიტორიდან მთაწმინდამდე“, „გელათის საგანძური“, რომან-ქრონიკის – „ყაჩაღი დვალიშვილები“. გიზო თავაძე (13.07.1959) – ისტორიკოსი, მწერალი, პოეტი. ქუთაისის ილია ჭავჭავაძის საზოგადოების ხელმძღვანელი (1987-1994), საქართველოს დემოგრაფიული საზოგადოების იმერეთის სადროშოს თვმჯდომარე (1990-2000), ქუთაისის თვითმმართველი მერიის კულტურის, სპორტის, ძეგლთა დაცვის და ახალგაზრდულ საქმეთა სამსახურის უფროსი (2009-2011), ქუთისის მოსწავლე-ახალგაზრდობის პარკის დირექტორი (2011-დღემდე).