აკაკი წერეთელი და გრიგო დიასამიძე

Abstract

ფოტოზე მარცხნიდან არიან: აკაკი წერეთელი - ქართველი პოეტი, მწერალი, პუბლიცისტი და საზოგადო მოღვაწე, თერგდალეულების ერთ-ერთი ლიდერი და გრიგოლ (გიგო) დიასამიძე - ქართველი ჟურნალისტი, ისტორიკოსი, საზოგადო მოღვაწე. იყო „საქართველოს წითელი ჯვრის“ საზოგადოების ერთ–ერთი დამფუძნებელი და მუდმივი წევრი, 1917 წელს გახდა ქართველთა შორის წერა-კითხვის გამავრცელებელი საზოგადოების თბილისის განყოფილების დამფუძნებელი წევრი. 1921 წელს საქართველოს საბჭოთა ოკუპაციის შემდეგ ქალიშვილთან ერთად ემიგრაციაში წავიდა. ცხოვრობდა პარიზში, ბერლინსა და ნიუ-იორკში. 1922 წელს ბერლინში დააარსა ქართული სათვისტომო, რომლის პირველი თავმჯდომარეც თავად იყო. ასევე გახლდათ აღმოსავლეთ ევროპის ისტორიის შემსწავლელი ინსტიტუტისა და ამ ინსტიტუტის ჟურნალ „აღმოსავლეთ ევროპის“ სარედაქციო კოლეგიის მუდმივი (ნამდვილ) წევრი. გრიგოლ დიასამიძე იყო ერთ–ერთი მთავარი ორგანიზატორი 1912 წლის ზაფხულში რაჭა-ლეჩხუმში აკაკი წერეთლის მოგზაურობისა. 1911–1915 წლებში აკაკი წერეთლის თანადგომითა და თანამშრომლობით გამოსცემდა ყოველკვირეულ გაზეთ „თემს“