ტარიელ ზურაბიშვილის ჯვრისწერა

Abstract

არჩილ ზურაბიშვილი – ინჟინერი. ივანე ზურაბიშვილისა და ნინო ნიკოლაძე-მაკაროვას უფროსი ვაჟი. დაიბადა ქუთაისში 1896 წლის 25 აპრილს. 1914 წელს დაამთავრა თბილისის მე-5 გიმნაზია და სწავლა განაგრძო მოსკოვის საარტილერიო სასწავლებელში. პირველი მსოფლიო ომის დროს იბრძოდა რუსეთის არმიის შემადგენლობაში. რევოლუციის შემდეგ საქართველოში დაბრუნდა და სამსახური განაგრძო ერთ-ერთ ქართულ სამხედრო უწყებაში, რომელსაც გენერალი ივანე ჯაფარიძე განაგებდა. 1919 წელს საქართველოს მთავრობამ სხვა ახალგაზრდებთან ერთად გაგზავნა საფრანგეთში სასწავლებლად. 1922 წელს სწავლა დაასრულა გრენობლის ელექტრო-ტექნიკურ ინსტიტუტში. საქართველოში აღარ დაბრუნებულა. მსახურობდა როლს-როისის საზოგადოებაში. 1928 წელს პარიზში შოთა ნიკოლაძესთან ერთად აღადგინა სპორტული საზოგადოება „შევარდენი“. ინჟინერ აპოლონ კობახიძესთან ერთად დააარსა „საფრანგეთში მყოფ ქართველ ინჟინერთა და ტექნიკოსთა საზოგადოება“. გარდაიცვალა 1964 წლის 19 იანვარს, პარიზში. ტარიელ ზურაბიშვილი – ინჟინერი. არჩილ ზურაბიშვილისა და რეიჩელ (რეი) მიუსოს ვაჟი. ივანე და ნინო ზურაბიშვილების შვილიშვილი. ნიკოლა ზურაბიშვილი – კომპოზიტორი. გიორგი ზურაბიშვილისა და ნატალი ფონ პელკენის ვაჟი. ტარიელ ზურაბიშვილის ბიძაშვილი. შალვა თაყაიშვილი – ქართველი ემიგრანტი. ივონ რეინჰარდი – ტარიელ ზურაბიშვილის მეუღლე. ზეინაბ კედია – საქართველოს რესპუბლიკის უშიშროების მინისტრის, მექი კედიასა და აგრაფინა თავართქილაძის ქალიშვილი. ემიგრაციაში 1921 წლიდან. მეუღლე – ლევან ზურაბიშვილი. რეი მიუსო – არჩილ ზურაბიშვილის მეუღლე. მილი ზურაბიშვილი – იურისტი. არჩილ ზურაბიშვილისა და რეი მიუსოს ქალიშვილი. სალომე და ოთარ ზურაბიშვილები – ლევან ზურაბიშვილისა და ზეინაბ კედიას შვილები.