გიორგი გოგოტიშვილი

Abstract

გიორგი გოგოტიშვილი - დაიბადა გურიაში, ოზურგეთის სოფელ ვაკიჯვარში 1888 წელს. საშუალო სკოლის დამთავრების შემდეგ სწავლა გააგრძელა ქ. თბილისის კომერციულ სასწავლებელში ეკონომიკის დარგში. სასწავლებლის დამთავრების შემდეგ, ეკონომისტის დიპლომით გიორგი იწყებს მუშაობას იმ დროს ამიერკავკასიაში პირველ და ერთადერთ აბრეშუმის საწარმოო ქარხანაში ეკონომისტად. შემდგომში გიორგიმ მოღვაწეობა გააგრძელა სახელმწიფო სამსახურში, სადაც მან თავი წარმოაჩინა როგორც ერთობ ენერგიულმა და ნიჭიერმა ორგანიზატორმა, რასაც მოჰყვა მისი საქართველოს განათლების სახალხო კომისრად (იგივე განათლების მინისტრად) დანიშვნა. განათლების სახალხო კომისრის რანგში წარმატებული მუშაობისათვის 30-იან წლებში იგი კვლავ დაწინაურეს და გადაყვანილ იქნა ქ. თბილისის ცენტრალური კომიტეტის სახელმწიფო აპარატის ერთ-ერთი საპასუხისმგებლო სამმართველოს ხელმძღვანელად, სადაც გიორგიმ იმდენად მაღალი ავტორიტეტი მოიპოვა, რომ ეს მას საბოლოოდ სიცოცხლის ფასად დაუჯდა. 1937 წლის საყოველთაო რეპრესიების ხანაში, როგორც სახელმწიფო აპარატის ერთ-ერთი მაღალი თანამდებობის პირი, გიორგი გოგოტიშვილი დააპატიმრეს და „ხალხის მტრის“ ცრუ ბრალდებით სრულიად უდანაშაულო დახვრიტეს. გიორგის დარჩა ცოლი - ნინო ბახტაძე და 3 შვილი: ლილი, თენგიზი და ვლადიმერი. გიორგის მეუღლე -ნინო ბახტაძემეორე ქორწინებიდან ჰყავდა, მას შემდეგ რაც მისი პირველი მეუღლე - ნინო ბასილია 1917 წელს გარდაიცვალა ტიფით. უფროსი ქალიშვილი: ლილი შეეძინა პირველი ქორწინებიდან ნინო ბასილიასთან. შუათანა ვაჟი-თენგიზი (1924-1998), ნინო ბახტაძესთან ქორწინებიდან. უმცროსი ვაჟი - ვლადიმერი (ჭუკა) (1929-2009), ასევე ნინო ბახტაძესთან ქორწინებიდან. გიორგი (გრიშა) გოგოტიშვილი და ნინო ბახტაძერეაბილიტირებულ იქნენ ცოტა ხანში იოსებ სტალინის სიკვდილის შემდეგ