გურამ დოჩანაშვილი, ოთარ ქანდარია, ირაკლი დოჩანაშვილი, ზურაბ კუხიანიძე

Abstract

ოთარ ქანდარია (08.07.1937-08.07.2015) – საქართველოს დამსახურებული მხატვარი, ქართული სახვითი ხელოვნების განვითარებაში შეტანილი პირადი დიდი წვლილისა და ნაყოფიერი საზოგადოებრივი მოღვაწეობისათვის დაჯილდოვებულია ღირსების ორდენით, ქუთაისის საპატიო მოქალაქე, ოთარ ქანდარიას ნამუშევრები დაცულია საქართველოს კულტურის სამინისტროს ფონდში, ქუთაისის სახვითი ხელოვნების გალერეაში, კერძო კოლექციებში. დაკრძალულია ქუთაისში, საფიჩხიის სასაფლაოზე. ზურაბ კუხიანიძე (30.09.1930-28.07.2003) - ქართველი მწერალი, პოეტი.1954-1977 წლებში იყო ქუთაისის პიონერთა და მოსწავლეთა სასახლის დირექტორი, ხოლო 1977 წლიდან - გამომცემლობა „საქართველოს“ ქუთაისის ფილიალის „უქიმერონის“ დირექტორი. მისი პირველი ლექსი გამოქვეყნდა 1951 წელს, ხოლო 1958 წელს გამოიცა მისი პირველი კრებული. არის 40-მდე წიგნის ავტორი. დაკრძალულია მწვანე ყვავილას პანთეონში, ქუთაისში. გურამ დოჩანაშვილი (26.03.1939-3.04.2021) - ქართველი კლასიკოსი მწერალი, არქეოლოგი. მისი პირველი მოთხრობები დაიბეჭდა ჟურნალ „ცისკარში“. გურამ დოჩანაშვილი იყო თბილისის საპატიო მოქალაქე , დაჯილდოებულია ვაჟა-ფშაველას სახელობის პრემიით რომანისათვის „ბრმადყოფილზე. და…“ (ასევე, მთელი შემოქმედებითი მოღვაწეობისთვის) და ლიტერატურის განვითარებაში შეტანილი განსაკუთრებული წვლილისთვის ლიტერატურული პრემიით „საბა“. დაკრძალულია საბურთალოს სასაფლაოზე შვილის, ირაკლის, გვერდით. ირაკლი დოჩანაშვილი (29.05.1968-18.08.1990)