საქართველოს პარლამენტის ეროვნული ბიბლიოთეკა

გაზეთი "კვირის პალიტრა" დაარსდა 1995 წლის 18 აპრილს. პირველივე ნომრის გამოსვლიდან მან მკითხველთა განსაკუთრებული სიყვარული და ნდობა დაიმსახურა, რაც აისახა კიდეც პრეს-ფესტივალებსა და კონკურსებში მიღწეულ გამარჯვებებში, თუმცა გაზეთის ყველაზე დიდი გამარჯვებაა, რომ არსებობის 10 წლის მანძილზე "კვირის პალიტრამ" ათობით ათასიანი მკითხველთა არმია შემოიკრიბა და შეინარჩუნა. დღესდღეობით გაზეთს საქართველოს მთელ ტერიტორიაზე, ყველა ფენისა და ასაკის მკითხველი ჰყავს. რედაქციას აქვს საკუთარი საფოსტო სამსახური, რომლის საფოსტო ყუთები განთავსებულია საქართველოს ყველა მეტნაკლებად მნიშვნელოვან დასახლებულ პუნქტებში. "კვირის პალიტრა" დიდი ხანია დამსახურებულად ლიდერობს ყველა სახის დამოუკიდებელ გამოკითხვაში, როგორც ყველაზე პოპულარული გაზეთი. საზოგადოებრივ-პოლიტიკური გაზეთი გამოდის კვირაში ერთხელ - ორშაბათს. ფორმატი- A3, მოცულობა - 40 გვერდი. მთავარი რედაქტორი - გიორგი თევდორაშვილი, რედაქტორის მოადგილეები: ნუცა დუმბაძე და ლია იაკობაშვილი.