საზაფხულო შეკრება ბორჯომ პარკში

Abstract

გოგი მერკვილაძე - ცნობილი ტანმოვარჯიშე და სპორტის მოღვაწე, ფიზკულტურულ-სპორტული მოძრაობის ორგანიზატორი, ბავშთა ფიზიკური აღზრდისა და სპორტის ნოვატორი. ვარჯიშობდა გიორგი ეგნატაშვილის ხელმძღვანელობით, მუშაობდა მწვრთნელად, აღზარდა არაერთი ცნობილი ტანმოვარჯიშე. იყო აჭარის ფიზკულტურის უმაღლესი საბჭოს თავმჯდომარე და “შევარდენის” უფროსი, ფიზკულტურის სამეცნიერო-კვლევითი ინსტიტუტის დირექტორის მოადგილე, საქართველოს ფიზკულტურის უმაღლესი საბჭოს წევრი. მისი თაოსნობით შეიქმნა თსუ-ის ფიზკულტურის ფაკულტეტი (1933), თბილისში გაიხსნა ბავშთა პირველი სპორტული სკოლა (1934) და სპორტული პროფილის სკოლა-ინტერნატი (1958), დაინერგა საწარმოო ტანვარჯიში, აშენდა სპორტული ბაზები. 32 წლის განმავლობაში მუშაობდა საქართველოს განათლების სამინისტროს ფიზაღზრდის ინსპექციის უფროსად და მეთოდკაბინეტის გამგედ, ხელმძღვანელობდა ქართული სპორტული ტერმინოლოგიის დამდგენ მუდმივმოქმედ კომისიას, გამოაქვეყნა 40-მდე სამეცნიერო-მეთოდური ნაშრომი. სსრკ სპორტის დამსახურებული ოსტატი, საქართველოს დამსახურებული მასწავლებელი, ფიზიკური კულტურისა და სპორტის დამსახურებული მუშაკი, იაკობ გოგებაშვილის სახელობის მედლის კავალერი