ალექსანდრე ჯავახიშვილი ბათუმში, ასლან აბაშიძესთან ვიზიტით ყოფნის დროს

Abstract

ასლან აბაშიძე - პოლიტიკური მოღვაწე, აჭარის ავტონომიური რესპუბლიკის მმართველი (1991-2004), აჭარის ავტონომიური რესპუბლიკის უმაღლესი საბჭოს თავმჯდომარე (1991-2001); ალექსანდრე ჯავახიშვილი - საბჭოთა სამხედრო - საზღვაო ფლოტის პირველი რანგის კაპიტანი, საქართველოს სამხედრო-საზღვაო ძალების სარდალი (1993-1997), კონტრადმირალი, დაჯილდოებულია 2 ორდენით, 11 მედლითა და ორი სამკერდე ნიშნით. 1972 წლის 17 იანვარს ალექსანდრე ჯავახიშვილის მეთაურობით ატომურმა წყალქვეშა კრეისერმა K-415 დატოვა ჩრდილოეთში გაჯიევოს სამხედრო-საზღვაო ბაზა, გადაცურა ბარენცისა და ნორვეგიის ზღვები, გადაკვეთა ატლანტის ოკეანე, გაიარა დრეიკის სრუტე და 31 მარტს წყნარ ოკეანეში კამჩატკაზე ქალაქ ვილიუჩინსკის მახლობლად მდებარე რიბაჩის სამხედრო-საზღვაო ბაზაში შევიდა. მთელი ამ ხნის მანძილზე K-415 საბრძოლო სამსახურს ბირთვულქობინიანი 16 ბალისტიკური რაკეტით აწარმოებდა და უზრუნველყოფის გემების გარეშე წყალქვეშა მდგომარეობაში იმყოფებოდა.