საქართველოს პარლამენტის ეროვნული ბიბლიოთეკა

ლეონ საფრაზიანი დაიბადა თბილისში, 1930 წლის 24 აგვისტოს და გარდაიცვალა 1999 წელს. 1950 – 1956 წლებში სწავლობდა თბილისის სახელმწიფო სამხატვრო აკადემიაში ქანდაკების ფაკულტეტზე. მისი სადიპლომო ნამუშევარია „ მეთევზე“. 1956 წლიდან მონაწილეობდა გამოფენებში. ლ. საფრაზიანის ცნობილი ნამუშევრებია: ქანდაკება - „მოჭიდავე“ (1958); პორტრეტი (1960); სამკერდე ნიშანი „საქართველოს მეხანძრეობის 150 წელი“.

ლეონ საფრაზიანი აგრეთვე მუშაობდა ფოტოგრაფიაში. მისი ფოტონამუშევრები შესულია ალბომებში: „თბილისი 1500“ და „თსსა 50 წელი“. 1956 წლიდან მონაწილეობდა საქართველოს მეცნიერებათა აკადემიის არქეოლოგიური და ეთნოგრაფიული ექსპედიციების მასალების ფიქსაციაში. მუშაობდა თსსა ფოტოლაბორატორიის გამგედ, პედაგოგად თსსა ხელოვნებათმცოდნეობის ფაკულტეტზე (ფოტოსაქმე).