ბორის (მორის) მელაძე კოლეგებთან ერთად

Abstract

ზურაბ ანჯაფარიძე (12.04.1928, ქუთაისი-12.04.1997) – მომღერალი (დრამატული ტენორი), საქართველოს სახალხო არტისტი, სსრკ სახალხო არტისტი, ზაქარია ფალიაშვილის პრემიის ლაურეატი. თბილისის საპატიო მოქალაქე, 1952-1959 წლებში ზ. ფალიაშვილის სახელობის თბილისის ოპერისა და ბალეტის თეატრის, 1959-1970 წლებში - სსრკ დიდი თეატრის სოლისტი. 1970-იდან კვლავ ზ.ფალიაშვილის სახელობის თბილისის ოპერისა და ბალეტის პროფესიული სახელმწიფო თეატრს უბრუნდება; ვახტანგ მითაიშვილი (1941-01.2018) – ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეატრის სოლისტი, სხვადასხვა საერთაშორისო კონკურსების ლაურეატი, ღირსების ორდენის კავალერი. გაიანე დოლიძე (12.04.934) – საქართველოს დამსახურებული არტისტი. მუშაობდა საკავშირო ფილარმონიასა და ექსპერიმენტულ (კამერულ) თეატრში; 1957-1966 წწ. იყო ზაქარია ფალიაშვილის სახელობის თბილისის ოპერისა და ბალეტის პროფესიული სახელმწიფო თეატრის სოლისტი (სოპრანო); 1967 წელს შემოქმედებითი მივლინებით იმყოფებოდა მოსკოვის დიდ თეატრში; 1970-1981 წწ. ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეატრის სოლისტი; გახმოვანებული აქვს, მხატვრული ფილმები: „აბეზარა“, „ჩრდილი გზაზე“, „ეთერის სიმღერა“, „მე შევხვდი ქალიშვილს“ (აზერბაიჯანული კინო-ფილმი); გასტროლებით იმოგზაურა პოლონეთსა და ალბანეთში. ქუთაისის ოპერის პრიმადონა. ლამარა გრიგოლის ასული ჭყონია (27.12.1930, ბათუმი) – საქართველოს სახალხო არტისტი, საოპერო მომღერალი (ლირიკული-კოლორატული სოპრანო), სსრკ-ს სახალხო არტისტი (1976). 1956 წელს წარჩინებით დაამთავრა თბილისის სახელმწიფო კონსერვატორია (გ. გოგიჩაძის კლასი, ადრე მეცადინეობდა ვ. ქაშაკაშვილი). მუშაობდა ზაქარია ფალიაშვილის სახელობის თბილისის ოპერისა და ბალეტის სახელმწიფო აკადემიურ თეატრში, იყო კიევის ტარას შევჩენკოს სახელობის ოპერისა და ბალეტის თეატრის სოლისტი. ლამარა ჭყონიას აქვს ლამაზი ტემბრის ხმა, სრულყოფილი ვოკალური ტექნიკა. ის მრავალი კონკურსის ლაურეატია: ტოკიოს საერთაშორისო კონკურსის II პრემია, ჯაკომო პუჩინი ჩიო-ჩიო სანის პარტიის საუკეთესო შესრულებისთვის; პრაღის ვოკალისტთა, სოფიისა და გლინკას სახელობის კონკურსის ლაურეატი. დაჯილდოებულია „საპატიო ნიშნის“ ორდენით და მედლებით. ბორის (მორის) მელაძე - ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეატრის სოლისტი.