ვალერიან ხარაბაძე ხაშურის პირველი სკოლის ეზოში

Abstract

ვალერიან ხარაბაძე (1902-1970) - ქართველი პედაგოგი, ბიოლოგი. 1925-1927 წლებში გორის მაზრის წითელქალაქის შვიდწლიანი შრომის სკოლის ბიოლოგია-მათემატიკის მასწავლებელი, 1927-1970 წლებში ხაშურის პირველი სკოლის (გიმნაზიის) ბიოლოგიის პედაგოგი. 1931-1937 წლებში აგრეთვე ასწავლიდა ბუნებისმეტყველებას ხაშურის პედაგოგიურ სასწავლებელში, ბიოლოგიას მუსიკალურ სკოლაში. 1942 წელს იყო მოზრდილთა სკოლის დირექტორი, 1945-1947 წლებში კი მასწავლებელთა სახლის დირექტორი. 1947-1951 წლებში ხაშურის რაიონის კულტურის სახლის დირექტორი. მიღებული ჰქონდა ,,საპატიო ნიშნის" (1948 წ.), ,,შრომის წითელი დროშის" (1951 წ.) ორდენები. მედლები ,,მამაცური შრომისათვის დიდ სამამულო ომში" (1945 წ.), ,,შრომითი მამაცობისათვის" (1946 წ.) და სხვ. დაჯილდოვებული იყო ,,სახალხო განათლების წარჩინებულის" სამკერდე ნიშნით. ივანე ლომსაძე (1896-1976) - მათემატიკის პედაგოგი. 1918-1924 წლებში მუშაობდა გორის რაიონის სოფელ ზემო ხვითის დაწყებითი სკოლის გამგე-მასწავლებლად. ამავე პერიოდში წერა-კითხვის სალიკვიდაციო სკოლაში. 1924 წლიდან ხაშურის პირველი სკოლის მათემატიკის მასწავლებელი. 1937-1955 წლებში ხაშურის ხაშურის ვაჟთა პირველი სკოლის სასწავლო ნაწილის გამგე. 1955-1968 წლებში მუშაობდა ხაშურის მე-3 საშუალო სკოლაში. დაჯილდოვებული იყო "ლენინის" და ,,საპატიო ნიშნის" ორდენებითა და მედლებით. მინიჭებული ჰქონდა საქართველოს სსრ სკოლის დამსახურებული მასწავლებლის წოდება.