ვლადიმერ სუხიშვილი

Abstract

ვლადიმერ სუხიშვილი - დაპატიმრებამდე იყო საქართველოს სახელმწიფო სადაზღვევო სამმართველოს უფროსი; საქ.სსრ სახალხო კომისართა საბჭოს თავმჯდომარე და საქართველის კომპარტიის ცკ -ს მდივანი. დაპატიმრებულია 06.05-1937 წ. სსრკ შინსახკომის ორგანოების მიერ. წაყენებულ ბრალდებებში თავი ცნო დამნაშავედ. მისი ჩვენების თანახმად, 1933 წელს მემარჯვენეთა კონტრრევოლუციურ საქმიანობაში მისი ჩათრევა დაიწყო ამიერკავკასიის საბაჟო სამმართველოს მმართველმა ნიკოლოზ ბაქრაძემ და საბოლოოდ 1935 წელს მემარჯვენეთა კონტრრევოლუციურ ორგანიზაციაში გადაიბირა გერმანე მგალობლიშვილმა ვლადიმერ ჯიქიას თანდასწრებით. ბრალდებულ სუხიშვილის ჩვენების თანახმად, მემარჯვენეთა კონტრრევოლუციური ორგანიზაციის დავალებით იგი ეწეოდა მავნებლურ საქმიანობას, კონტრრევოლუციური საქმიანობით იგი დაკავშირებული იყო შინსახკომის მუშაკებთან, ფირცხალავასა და ოშაყმაშვილთან. იყო მემარჯვენეთა კონტრრევოლუციური ორგანიზაციის ჯაშუშური საქმიანობის კურსში. სასამართლოზე ვ.პ. სუხიშვილმა წინასწარი გამოძიების მსვლელობაში მიცემული ჩვენებები დაადასტურა. სსრკ უზენაესი სასამართლოს სამხედრო კოლეგიის 12.07-1937 წლის გამსვლელი სესიის მიერ ვ. პ. სუხიშვილს. მიესაჯა სასჯელის უმაღლესი ზომა - დახვრეტა. სსრკ უზენაესი სასამართლოს სამხედრო კოლეგიის 25.07-1957 წლის განჩინებით 12.07-1937 წლის განაჩენი ვ.პ. სუხიშვილის მიმართ ახლად აღმოჩენილი გარემოებების გათვალისწინებით გაუქმდა და საქმის წარმოება შეწყდა დანაშაულის ნიშნების არარსებობის გამო.