იოსებ ჯავახიშვილი, მიხეილ თოფურია, ალექსანდრე მაჭავარიანი სამკურნალო ფაკულტეტის ჰოსპიტალური თერაპიის კათედრის თანამშრომლებთან ერთად

Abstract

იოსებ ჯავახიშვილი - დაამთავრა თბილისის სახელმწიფო უნივერსიტეტის სამკურნალო ფაკულტეტი 1922 წელს. 1954-1957 წწ. განაგებდა თბილისის სამედიცინო ინსტიტუტის პედიატრიის, სანიტარულ-ჰიგიენისა და სტომატოლოგიის ფაკულტეტების ჰოსპიტალური თერაპიის კათედრას; 1957-1967 წწ. იყო საქართველოს სსრ მეცნიერებათა აკადემიის მ. წინამძღვრიშვილის სახელობის ექსპერიმენტული და კლინიკური კარდიოლოგიის ინსტიტუტის დირექტორი; 1967-1982 წწ. თბილისის სამედიცინო ინსტიტუტის სამკურნალო ფაკულტეტის ჰოსპიტალური თერაპიის კათედრის პროფესორი. იკვლევდა ფილტვისა და გულსისხლძარღვთა დაავადებებს. მისი მონაწილეობით დაარსდა რესპუბლიკური კარდიორევმატოლოგიური დისპანსერი და გაიხსნა კარდიორევმატოლოგიური კაბინეტები რესპუბლიკის სხვადასხვა რაიონში. თერაპევტი, მედიცინის მეცნიერებათა დოქტორი (1953), პროფესორი (1954). შალვა გოგნიაშვილი - დაიბადა დაბა თიანეთში (თიანეთის რაიონი). 1931 წელს დაამთავრა თბილისის სახელმწიფო სამედიცინო ინსტიტუტი. სხვადასხვა დროს კურორტ ბორჯომის, მწვანე კონცხის სანატორიუმის მთავარი ექიმი, თბილისის სახელმწიფო სამდიცინო ინსტიტუტის სტომატოლოგიური ფაკულტეტის შინაგან სნეულებათა თერაპიის კათედრისა და შემდგომში სამკურნალო ფაკულტეტის ჰოსპიტალური თერაპიის კათედრის ასისტენტი. მიხეილ თოფურია - 1955 წელს რესპუბლიკური ცენტრალური კლინიკური საავადმყოფოს ზოგადი თერაპიის განყოფილების გამგე. 1975 წელს – მთავარი ექიმის მოადგილედ სამკურნალო დარგში.